कृषि विकास श्रोत केन्द्र स्याङ्जाको वेभसाइटमा यहाँलाई हार्दिक स्वागत छ।

रेशम विकास कार्यक्रमको नाममा बि.सं २०४१ स्थापना भएको यस कार्यालयको हाल परिवर्तित कार्यविवरण अनुसार रेशम कार्यक्रम संगै मुख्य रुपमा यस प्रदेशमा खाधान्‍न, दलहन, तेलहन तथा तरकारी बालीको बीउ उत्पादन, प्रसोधन तथा बजारीकरण सम्वन्धी कार्य सुरु गरेको छ । कुल ग्राहास्थ उत्पादनमा २४.१ प्रतिसत योगदान रहेको र ५७.३ प्रतिशत जनसंख्या आवद्ध भएको नेपालको कृषि क्षेत्रको महत्वलाई नेपालको संविधानमा खाघ सम्वन्धि अधिकार मौलिक हकमा समेत प्रतयाभुत गरेको अवस्था छ । हाल नेपालमा औपचारिक क्षेत्रको वीउ विजनको प्रयोगबाट २२ प्रतिशत र अनऔपचारिक रुपबाट करिव ७८ प्रतिशत विउको प्रयोग भएको अवस्थामा हालको परिवर्तित कार्य विवरण अनुसार प्रदेशलाई बीउमा आत्मनिर्भर बनाउनका लागी यस कार्यालयको आगामी दिनमा महत्वपुर्ण भुमीका रहनेछ ।

तराई, पहाड र उच्चपहाडको भुगोल भएको यस प्रदेशमा बीउ उत्पादनको प्रचुर सम्भावना रहेको छ । नेपालको राजनीतिक परिवर्तन र राज्य पूनसर्चना पश्चात प्राप्त भएको प्रदेशको अधिकार तथा कर्तव्य क्षेत्रलाई समेत मध्यनजर गरी बीउ उत्पादन तथा व्यवस्थापन क्षेत्रमा नितिगत तथा संस्थागत कार्यहरु अझै गर्न बांकी रहेको अवस्थामा तत्काल थप गृह कार्य गर्न जरुरी देखिन्छ। खाघ तथा पोषण सुरक्षाको महत्वलाई नितिगत रुपमा केलाउदा गुणस्तरीय बीउ उत्पादन तथा व्यस्थापन अत्यन्त चुनौतीको बिषय बनेको सन्दर्भमा प्रदेश स्तरमा खाधान्‍न, दलहन, तेलहन तथा तरकारी बालीको मुख्य पकेट क्षेत्र पहिचान गरी कार्यक्रम संचालन हुन आवश्यक देखिन्छ। >>View More>>